Паштовыя ўрокі
У рамках святкавання Сусветнага дня пошты 9 кастрычніка работнікамі паштовага аддзялення аг. Бабунічы былі падрыхтаваны і праведзены ў школе «Паштовыя ўрокі».
Вучні пачатковых класаў здзейснілі займальнае падарожжа на паштовае аддзяленне, дзе Ястремская Таццяна Іванаўна, начальнік паштовага аддзялення, распавяла прысутным гісторыю пошты, распавяла аб сучасным развіцці паштовых паслуг.
У гэты дзень на заняткі ў нашу школу прыйшла работнік паштовай службы Дубік Жанна Віктараўна. Мерапрыемства для 10 класа, якое стала ўжо добрай традыцыяй, праводзілася ў форме пазнавальнай і займальнай віктарыны. Работнікі пошты распавялі дзецям шмат цікавага аб пошце: пра гісторыю ўзнікнення паштовай сувязі, аб паштовых прафесіях і паслугах, аб новых дасягненнях, падзяліліся з вучнямі займальнымі фактамі і цікавымі навінамі. І, вядома, навучылі вучняў па правілах падпісваць паштовыя канверты. 
Напрыканцы паштовых урокаў самым актыўным школьнікам былі ўручаны салодкія прызы.
