Сям’я піянерыі павялічылася
Піянер… Як ганарова гучыць гэтае слова. Піянер – прыклад ва ўсім.Ва ўсе часы - гэта актыўныя, ініцыятыўныя дзеці, якія сваімі справамі пацвярджаюць высокае званне члена ГА БРПА.
Члены піянерскай дружыны імя Ю.А.Гагарына сабраліся ў фае школы на збор. Пяць пяцікласнікаў з гальштукамі на левай руцэ застылі ў чаканні. Гучыць гімн. Уладзіслаў Агейчык, Юлія Крук і Канстанцін Лагуноў уносяць сцяг дружыны. Старшыні піянерскіх атрадаў і дружыны здаюць рапарты гатоўнасці. Аб высокім і ганаровым званні піянера расказвае педагог – арганізатар Ніна Кот. Словы Ніны Сямёнаўны - не траскучыя выказванні, а ява. Ангеліна Рудаўская, Галіна Панцюк, Ангеліна Калаева, Анастасія Дзямідка, Юлія Крук – першыя і ў вучобе, і ў піянерскіх справах.
Самы хвалюючы момант збору – Алеся Юркавец, Кацярына Панцюк, Наталля Палазкова, Іван Кузьмін і Вікторыя Цімашышына даюць словы клятвы на вернасць піянерскай арганізацыі. Былыя піянеры, а сёння настаўнікі школы Раіса Найдзен, Ніна Ястрэмская і Валянціна Некрашэвіч павязваюць гальштукі пяцікласнікам. З гэтага моманту сям’я піянерыі школы налічвае 43 вучні.
Юнкараўцы Бабуніцкай сярэдняй школы
