Уключыце бліжняе святло!
Зусім хутка вучні сядуць за парты. У сувязі з заканчэннем канікул і пачаткам навучальнага года з 25 жніўня па 5 верасня ў краіне будзе рэалізаваны комплекс мерапрыемстваў, накіраваны на прафілактыку дзіцячага дарожнага траўматызму.
У час акцыі, якая ўжо стала традыцыйнай, работнікі ДАІ, педагогі і бацькі аб’яднаюць намаганні для забеспячэння бяспекі дзяцей. Супрацоўнікі міліцыі наведаюць урачыстыя лінейкі, правядуць з вучнямі класныя гадзіны, конкурсы, віктарыны, кіналекторыі, спартыўна-навучальныя заняткі, каб напомніць вучням аб неабходнасці захоўваць правілы бяспекі на дарогах. Інспектары ДАІ пракантралююць захаванне правіл бяспечная перавозкі дзяцей.
А яшчэ ў гэтую пятніцу па ўсёй Беларусі пройдзе адзіны дзень бяспекі дарожнага руху “Будзьце прыкладам свайму дзіцяці!”
Для прыцягнення ўвагі ўдзельнікаў дарожнага руху (перш за ўсё маленькіх пешаходаў) у дні правядзення спецмерапрыемстваў МУС транспарт нават у светлы час сутак павінен рухацца з уключаным бліжнім святлом фар.
