Цімураўцы заўсёды наперадзе
Традыцыі цімураўскага руху ў школе знайшлі сваё адлюстраванне ў развіцці дабраахвотнага ўдзелу падлеткаў у аказанні дапамогі ветэранам Вялікай Айчыннай вайны, вязьням фашысцкіх канцлагераў і адзінокім грамадзянам.
Бяспрэчна, на сённяшні дзень дзейнасць цімураўскіх атрадаў неабходна і значыма. У працэсе выканання цімураўскай работы дзеці ўваходзяць у кантакт з людзьмі, маючымі вялікі жыццёвы вопыт, вартымі і паважанымі ў грамадстве. Яны аказваюць вялікі выхаваўчы ўплыў на паводзіны юных цімураўцаў.
Гэтым суботнім днём, 23 студзеня, вучні школы адправіліся на падвор'і Прымак Вольгі Мікіцічны, Дулько Асі Яфімаўны, Глушко Марыі Сямёнаўны, Бардыга Лідзіі Іванаўны, каб аказаць дапамогу. Цімураўцы расчышчалі снег у дварах, насілі дровы і не забылі пацікавіцца станам здароўя. У вёсцы Міхедавічы цімураўцы не толькі аказалі дапамогу састарэлым, а яшчэ расчысцілі снег каля помніка. Лепшая падзяка для дзяцей за аказаную імі дапамогу - ўсмешка на вуснах жанчын.
