Дзень грамадзянскай абароны
1 сакавіка ў школе адбыўся Дзень грамадзянскай абароны.
Распачалося мерапрыемства па сігналу "Трывога" з агульнага пастраення вучняў школы. З прамовай да вучняў звярнуўся начальнік грамадзянскай абароны школы У.М.Герасіменка, які зачытаў загад ад 29.01.2016 года № 24 "Аб равядзенні Дня грамадзянскай абароны" падкрэсліў, што вучэнні падчас правядзення Дня грамадзянскай абароны (далей ГА), садзейнічаюць павышэнню гатоўнасці да кваліфікаванай дапамогі ў экстрэмальных сітуацыях. А гэта ў сённяшні час, з'яўляецца актуальнай задачай.
Пасля пастраення вучні пачатковых класаў адправіліся на экскурсію на пост МНС в. Бабунічы, дзе выратавальнікі пазнаёмілі іх з пажарнай тэхнікай, інструментамі і асаблівасцямі прафесіі выратавальніка.
Для вучняў старэйшага і сярэдняга звяна былі праведзены урокі па АБЖ, паказаны відэаролікі "Аб правілах аказання дапамогі ў выніку экстрэмальных сітуацый", праведзена віктарына і спаборніцтвы каманд. Прадэманстраваны прыемы прымянення першасных сродкаў пажаратушэння пры ўзнікненні НС.
На прыканцы былі падведзены вынікі "Дня ГА", названы лепшыя вучні, пераможцы віктарыны і конкурсаў, абазначаны накірункі работы па ўдасканаленасці ГА у школе.
