Навагодняя казка
Я з радасцю ўспрыняў вестку: 26 снежня разам з аднакласніцай Марынай Такун і дзесяцікласнікам Славам Алхівавым будзем удзельнікамі раённай ёлкі. Гэта пачэсна і ганарова прадстаўляць нашу школу на такім мерапрыемстве.
На “ёлку” былі запрошаны дзеці, якія праявілі сябе ў абласных, раённых і школьных мерапрыемствах: перамагалі ў алімпіядах, конкурсах, дасягнулі добрых вынікаў у спорце, былі актыўнымі ў жыцці школы.
За год ніводнае мерапрыемства не прайшло без майго ўдзелу. Я ніколі не быў вольным слухачом і пасіўным назіральнікам. Я стараўся сябе паказаць у розных добрых справах. Не выставіцца, а праявіць задаткі, якія дапамогуць у жыцці. Неабходна станцаваць – станцую, спяваць – спяваю, вершы чытаць – няма праблем, а са спортам я зусім сябрую.
У мяне ўсё атрымалася: я са сваімі сябрамі ў раённым Доме культуры. Усіх ўдзельнікаў мерапрыемства віталі Дзед Мароз і Снягурка. А канцэрт, які падрыхтавалі ўдзельнікі мастацкай самадзейнасці, паказаўся казкаю. Як задорна танцавалі дзяўчаты-беларусачкі! А маленькая Маша, гераіня мультфільма, не давала сумаваць.
Канцэрт закончыўся – і нас чакалі салодкія віншаванні. Дзед Мароз кожнаму ўдзельніку ўручыў наборы цукерак.
Кніга з навагодняю казкаю закрылася. Удзельнікам свята - казкі наступнага года можна стаць любому вучню.
Працуйце, тварыце на імідж школы!
Павел Герасіменка, вучань 9 класа
