За падрыхтоўкай – поспех
У ІІ этапе рэспубліканскай алімпіяды па філалагічных дысцыплінах прымалі ўдзел 5 чалавек. Я з Дубік Вольгаю абаранялі гонар школы па беларускай мове. Мы ўдзельнічаем у алімпіядзе па гэтым прадмеце з пятага класа. Кожны год займалі прызавыя месцы. Пра перамогу тайком марылі, хаця многае змянілася. Калі да 8 класа выконваліся заданні лінгвістычнага конкурсу, то з 9 класа абавязковым яшчэ з’яўляецца напісанне водгуку на літаратурны твор і ўменне састаўлення і агучвання вуснага выказвання. Хваляванне адчувалася: а калі не справішся?
Выкананне заданняў комплекснай работы цяжкасцей у мяне практычна не выклікала. Пры напісанні водгуку праблемы ўзніклі. А з вуснаю тэмаю “І песню родную люблю…” мне пашанцавала: спяваць я сама люблю.
Удзельнікі алімпіяды ў гэтым годзе падабраліся вельмі моцныя. Паглядзеўшы на іх сур’ёзныя твары, я ўжо і надзею страціла на прызавое месца.
Праз дзень настаўніца паведаміла мне прыемную навіну: З 50, 1% выканання заданняў я атрымала дыплом ІІІ ступені. Радасці маёй не было межаў, Хаця Некрашэвіч В.І. была незадаволена. Мая сяброўка Вольга Дубік на гэты раз засталася без дыплома.
Я для сябе зрабіла вывад: каб упэўнена і камфортна адчуваць сябе падчас алімпіяды, трэба сур’ёзна рыхтавацца.
Марына Такун, вучаніца 9 класа
