Зімовыя канікулы
Зімовыя канікулы ў нашай школе прайшлі пад дэвізам "Мы за здаровы лад жыцця". Быў распрацаваны план работы на канікулы, дзе большасць запланаваных мерапрыемстваў - спартыўныя. Спартыўны зал школы не пуставаў. Дзеціпрыходзілі ў школу каб пагуляць у розныя гульні, а хлопчыкаў асабліва вабіў міні-футбол.
Вядома цікава гуляць у футбол з вучнямі сваёй школы, але больш цікава, калі на пляцоўцы каманды другіх школ. Таму настаўнік фізічнай культуры Паўтаран В.А. запрасіў да нас ў госці каманды Навасёлкаўскай і Смятаніцкай сярэдніх школ.
І вось гучыць голас дырэктара школы Герасіменка У.М., які адкрывае турнір па міні-футболу і жадае ўсім удзельнікам поспехаў.
Гульня праходзіла ва ўпартай барацьбе. Пераможцамі сталі гаспадары поля, вучні нашай школы. З чым мы іх і віншуем. Другое месца заняла Смятаніцкая школа, трэцяя Навасёлкаўская.
Дубік Вольга, вучаніца 9 класа
