Афганістан…
З чым асацыіруецца назва гэтай рэспублікі? Са словам вайна… Яна для савецкіх салдат закончылася 15 лютага 1989 года, калі апошнія часці Савецкай Арміі пакінулі гэтую горную краіну. Хацелася б не ўспамінаць, бо вайна ў чужой краіне забрала жыцці больш за пятнаццаць тысяч нашых воінаў. Але ўспамінаць трэба, бо гэтыя старонкі гісторыі не перапішаш.
Да 25-годдзя вываду войск з Афганістана ў школе быў праведзены конкурс сачыненняў “Памяць аб вайне ў Афганістане” і тэматычны вечар “Пакуль гарыць свечка”, на які прыйшлі запрошаныя воіны-афганцы Аляксандр Бардыга і Анатоль Ляшук. Яны расказалі дзецям пра свае афганскія будні, адказалі на пытанні. Цяжка было былым салдатам расказваць пра дні сваёй службы. На тварах сталых мужчын з’явіліся слёзы, калі на экране былі паказаны кадры вываду войск СА з небяспечнага Афгана.
Гады прайшлі. Многае сцерлася з памяці, а рана на душы так і не зарубцавалася.
