Рыцарамі не нараджаюцца – імі становяцца.
Суботнім вечарам шумна было ў спартыўнай зале Бабуніцкай сярэдняй школы: вучні 9-11 класаў аспрэчвалі лідэрства ў “Рыцарскім турніры”. Як змяніўся воблік юнакоў. Апранутыя ў ваенную форму, падцягнутыя, яны застылі ў чаканні. Вядучы конкурсу Руслан Булачэў, пастроіўшы каманды “Моряки” і “Дембеля” пачаў спаборніцтва, якое яшчэ раз даказала, што дастойная змена падрастае.
Многа выпрабаванняў давялося прайсці нашым рыцарам: заправіць хутка і правільна ложак, падцягнуцца на перакладзіне, з пяццю цукеркамі ў роце адрапартаваць аб гатоўнасці генералу, з’есці манную кашу на хуткасць, выканаць агульнакамандныя скачкі, цянуць канат. Самай забаўнай аказалася “Бітва пеўняў”, дзе перамаглі старшакласнікі.
Творчую фантазію давялося праявіць рыцарам пры састаўленні пісьма родным. У гэтым конкурсе роўных не было Пашы Герасіменка. Па-сучаснаму прызнаваліся ў каханні дзяўчатам Дзмітрый Цімашышын і Павел Герасіменка.
У музычным выпрабаванні мацнейшымі аказаліся адзінаццацікласнікі.
Спаборніцтва падышло да канца. З перавагай у адзін бал перамаглі “Моряки».
Вольга Дубік, вучаніца 9 класа
