Гімн роднай мове
21 лютага ва ўсім свеце адзначаўся Дзень роднай мовы. Не засталіся ўбаку і мы, вучні 6 класа Бабуніцкай сярэдняй школы. На мерапрыемства “Гімн роднай мове” мы запрасілі настаўнікаў і бацькоў.
Кожны народ ганарыцца сваёй роднай мовай. Для мяне такой мовай з’яўляецца беларуская. На ёй размаўляюць мае бабуля і дзядуля, маці і бацька. На ёй размаўляю я і мае сябры. Не толькі на мерапрыемствах, але і ў жыцці нашым спадарожнікам з’яўляецца беларуская мова. Як не любіць цябе, мілагучнае, спеўнае, звонкае роднае слова! З вершаў, песень, прыказак і казак ажывае матчына слова.
Таму і не дзіўна: большасць з прысутных на мерапрыемстве роднай мовай назвалі беларускую. Адказ другім быць не мог: хто любіць сваю зямлю, народ, той любіць і ганарыцца мовай.
Глушко Таццяна
