Віншуем з Днём ведаў!
Дарагія вучні! Паважаныя педагогі і бацькі! Шчыра віншуем усіх з Днём ведаў!
Слаўная традыцыя святкаваць першы дзень новага навучальнага года аб’яднала многія пакаленні нашых грамадзян: яго адзначаюць усе – ад выхаванцаў дзіцячых садкоў да людзей, якія даўно ўжо скончылі школу або ўніверсітэт. Гэта нашае агульнае свята, таму што ў аснове любой справы, любой прафесіі і нават хобі ляжаць веды. Яны даюць чалавеку ўпэўненасць і свабоду ў выбары жыццёвага шляху, магчымасць дасягнуць поспеху і рэалізаваць свае здольнасці.
1 верасня – дата асабліва ўрачыстая і захапляльная, бо менавіта з гэтага дня пачынаецца няпросты шлях да ведаў, да новых дасягненняў.
Жадаем усім школьнікам і студэнтам на гэтым шляху пакарыць новыя вяршыні, сустрэць добрых і надзейных сяброў і дасягнуць запаветнай мэты. Вашыя здольнасці, настойлівасць стануць падмуркам значных поспехаў у дарослым жыцці, а спрыяць гэтаму будуць высокія стандарты беларускай адукацыі, роўныя магчымасці ў яе атрыманні для кожнага.
Самыя шчырыя словы падзякі – настаўнікам, якія шчодра дзеляцца сваімі ведамі, песцяць сапраўдных патрыётаў нашай дзяржавы. Няхай Дзень ведаў будзе сонечным, нясе добры настрой у кожную школу, у кожную сям’ю!
