Захаваем свет разам
28 сакавіка 2014 года СШ № 1 горада Петрыкава сустракала ўдзельнікаў конкурсу чытальнікаў “Захаваем свет разам”, мэта якога заключалася ў стымуляванні чытацкіх інтарэсаў школьнікаў, павышэнні цікавасці да выразнага чытання мастацкіх твораў пісьменнікаў Гомельшчыны.
Ганаровае права прадстаўляць нашу школу дасталося вучню 9 класа Паўлу Герасіменку, які аказаны давер апраўдаў.
У конкурсе прынялі ўдзел 27 вучняў 5-11 класаў. Склад удзельнікаў аказаўся моцным. Як прыгожа гучалі паэтычныя і празаічныя творы ў выкананні чытальнікаў: слайды падрыхтаваных прэзентацый адпавядалі кожнаму прачытанаму радку, музыка была добрым дапаўненнем гучання чароўнага слова, а акцёрскае выкананне твора пацвярджала думку: таленавітыя дзеці на нашай Петрыкаўшчыне.
В.І.Некрашэвіч, настаўнік беларускай мовы
