Тураўшчына сустракае бабуніцкіх школьнікаў
З самага пачатку абвяшчэння Года гасціннасці ў нашай школе вялікая ўвага надаецца правядзенню экскурсійных паездак па гістарычных месцах Беларусі.
У другую суботу кастрычніка месцам прыпынку стаў горад Тураў, цэнтр пісьменства і летапісання, пра які я шмат чула і чытала. Экскурсія дапамагла яшчэ і ўбачыць, а да крыжоў, якія растуць з зямлі, і дакрануцца.
Пабывалі мы ў розных месцах: краязнаўчым музеі, Барыса-Глебскіх могілках, храме святых Кірылы і Лаўрэнція Тураўскіх, Замкавай гары. Аддалі даніну павагі ахвярам Вялікай Айчыннай вайны. Не з фотаздымка, а наяве вітаў нас Кірыла Тураўскі, пастава якога застыла на пастаменце помніка. Пра жывёльны свет Палесся даведаліся ў музеі прыроды.
Другі раз у кастрычніку Тураўшчына сустракала школьнікаў з нашай школы. Мы, задаволеныя пачутым і пабачаным, вярнуліся дадому.
Юлія Крук, вучаніца 7 класа
