Апошні званок
30 мая. Аўторак. 9 гадзін. У школах раёна праведзены лінейкі, якія былі прысвечаны апошняму званку.
На ўрачыстасцях прысутнічалі прадстаўнікі мясцовай улады, сельскагаспадарчых вытворчых кааператываў, арганізацый, устаноў, бацькі і госці.
Лінейка ў нашай школе стала сапраўдным святам. Яна сабрала на ўрачыстасць вучняў, настаўнікаў, бацькоў і гасцей, якія душой дакрануліся да гэтай падзеі, у чарговы раз адчулі радасць сустрэчы са школай і выказалі пажаданні выпускнікам і вучням навучальнай установы.
Развітаемся, званок!
Сёння ў нас апошні ўрок - 
ты звіні даўжэй,
званок,
доўга, радасна звіні
жаўранкам увышыні.
Зычна, весела, заўзята
абвясці пра наша свята.
Колькі раз ты
гучна-гучна
на заняткі клікаў вучняў -
далятаў і да сталоўкі,
і да шумнай спортпляцоўкі.
Але ты, званок, штораз
памяркоўным быў да нас -
зноў жа, зноў
праз колькі часу
расчыняў ты дзверы класа,
нас пускаў
на хвіляў пяць
на шырокі школьны пляц.
Не вятрамі, не шпакамі, -
год агучаны званкамі.
Сёння ў нас апошні ўрок -
развітаемся, званок!
Падары расстанне гэта,
звонка выпусціўшы ў лета.
Сам жа, сцішаны, у зморы
спі спакойна ў калідоры.
