Дзень ведаў у Бабуніцкай сярэдняй школе
Цеплае лета прабегла хутка. Яго змяніла халаднаватая восень. Змены ў надвор’і не паўплывалі на настрой вучняў, якія другога верасня спяшаліся ў родную школу.
З выразам сур’ёзнасці і адказнасці спяшаўся на лінейку Дубік Сяргей, будучы выпускнік, трымаючы ў руках букеты прыгожых восеньскіх кветак.
Урачысты момант настаў. Намеснік дырэктар па выхаваўчай рабоце Н.Р. Ястрэмская адкрыла лінейку.
Першым павіншаваў вучняў, настаўнікаў і бацькоў са святам дырэктар школы У.М. Герасіменка. Ён паведаміў прысутным аб поспехах нашых вучняў у прошлым навучальным годзе, а ганарыцца ёсць чым: шэсць выпускнікоў школы паступілі ў ВНУ, 2 - ССНУ. За навучальны год вучні атрымалі 13 дыпломаў у рэспубліканскай і абласной алімпіядах, перамагалі ў конкурсах. У гэтым годзе ў школе быў арганізаваны лагер працы і адпачынку з кругласутачным прыбыццём. Дзеці працавалі на базе КСУП “Запаветы Ільіча” і адпачывалі пасля працы.
Прыгожыя словы віншавання адрасавалі ўсім прысутным госці: Сенько С.У. – намеснік начальніка аддзела адукацыі спорта і турызма Петрыкаўскага райвыканкама, старшыня Бабуніцкага сельскага выканаўчага камітэта Харланаў С.Т.
Па-гаспадарску павіншаваў вучняў, настаўнікаў і бацькоў выконваючы абавязкі дырэктара КСУП “Запаветы Ільіча” М.Я. Паўтаран, які ад прадпрыемства падарыў вучням 2 футбольныя мячы і падзякаваў дзецям за аказаную дапамогу пад час летніх канікул.
Галоўны бугалтар гаспадаркі Чарнобылец К.В. урычыла першакласнікам падарунак ад гаспадаркі – ранцы.
Усмешкі на тварах з’явіліся ва ўсіх, калі пачалі гаварыць першакласнікі. Наадварот, строгасць і ўпэўненасць гучала ў словах адзінаццацікласнікаў, якія зрабілі свае падарункі тым, хто першы раз прыйшоў у першы клас.
Хваляванні адчуваліся ў галасах Цішкевіч С.І., якая набрала першачкоў і Доўгай Т.У., якая ў 2014 годзе выпусціць сваіх выхаванцаў.
Ад імя бацькоў першакласнікаў і ўсіх прысутных павіншавала Заржэцкая С.Л.
Заключным акордам лінейкі стаў першы званок, дадзены выпускніком школы Юркаўцом Яўгенам і першакласніцай Шабалтас Кацярынай.
Усе вучні разышліся па класах на першы ўрок “Як ты сэрцу майму міла, дарагая Беларусь”.
Юныя карэспандэнты Бабуніцкай сярэдняй школы
