"Школа Актыўнага Грамадзяніна"
Тэма адзінага дня інфармавання 25 красавіка 2019 года: «Беларусь памятае»
(Да Дня Перамогі ў Вялікай Айчыннай вайне і 75-годдзю вызвалення Беларусі ад нямецка-фашысцкіх захопнікаў).
Наш госць: першы сакратар Петрыкаўскага РК ГА «БРСМ» - Туравец Дар'я Сяргееўна.
1. Блок «Дзень Перамогі» асвятліла настаўнік гісторыі Доўгая Тамара Уладзіміраўна, якая расказала пра тое, што Беларусь першай з саюзных рэспублік прыняла на сябе масіраваны ўдар фашысцкіх захопнікаў і страціла ў гады вайны больш за палову свайго нацыянальнага багацця. Пасля выступу Тамара Уладзіміраўна задавала пытанні навучэнцам і нашаму госцю Дар'і Сяргееўне. На ўсе пытанні былі атрыманы вычарпальныя адказы.
2. Блок «Святкаванне 75-годдзя вызвалення Беларусі ад нямецка-фашысцкіх захопнікаў» асвятліў намеснік дырэктара па вучэбна-выхаваўчай рабоце Раўкоўскі Уладзімір Пятровіч. У ходзе абмеркавання гэтага пытання вучні зрабілі высновы, што Дзень вызвалення нашай зямлі ад нямецка-фашысцкіх захопнікаў - наша галоўнае дзяржаўнае свята, Дзень Незалежнасці. У ходзе абмеркавання дзеці і госці адказалі на наступныя пытанні: якую ролю адыграў партызанскі рух у барацьбе з акупантамі на тэрыторыі Беларусі ў гады Вялікай Айчыннай вайны? Што ыы ведаеце аб беларускіх дзецях-партызанах - героях вайны, якія змагаліся і якія аддалі жыццё за вызваленне Беларусі ад нямецка-фашысцкіх захопнікаў? Як у вашай сям'і захоўваюць памяць пра родных, якія ўдзельнічалі ў Вялікай Айчыннай вайне? На гэтым этапе Доўгая Тамара Уладзіміраўна падзялілася даследчай працай "Імя на абеліску", якая заняла першае месца ў раённай канферэнцыі даследчых работ у 2018 годзе.
3. Блок «Паклонімся вялікім тым гадам" асьвяціла настаўнік беларускай мовы і літаратуры Некрашэвіч Валянціна Іванаўна. У ходзе абмеркавання былі ўзняты пытанні: аб рэалізацыі Беларускім рэспубліканскім саюзам моладзі ў 2019-2020 гадах шматступеннага рэспубліканскага патрыятычнага праекта «Беларусь памятае», прысвечанага 75-годдзю вызвалення Беларусі ад нямецка-фашысцкіх захопнікаў і Перамогі савецкага народа ў Вялікай Айчыннай вайне. Навучэнцы школы распавялі аб сваіх дзядулях і бабулях, якія ваявалі ў гады Вялікай Айчыннай вайны.
4. Блок «Будучыню будаваць маладым» (Штогадовае пасланне да беларускага народа і Нацыянальнага сходу Прэзідэнта Рэспублікі Беларусь Аляксандра Лукашэнкі) асвятліла запрошаны госць Туравец Дар'я Сяргееўна. Якая адзначыла, што ў нашай моладзі ёсць галоўнае - мірная, прыгожая, незалежная краіна. Ёсць традыцыі, багатая культурная і духоўная спадчына. Ёсць гераічная гісторыя, якой яны павінны ганарыцца. Любая моладзь у любой дзяржаве гэтаму можа пазайздросціць. Стабільнай нармальнай краіне, дзе можна жыць і працаваць. Дар'я Сяргееўна асвятліла мерапрыемствы і акцыі якія праводзяцца РК ГА "БРСМ", адказала на ўсе пытанні, якія цікавілі нашых дзяцей.
