Раённая прафілактычная акцыя «PROFIL_AKTИКА»
25 мая на базе ДУА "Бабуніцкая сярэдняя школа" прайшла раённая прафілактычная акцыя "PROFIL_AKTИKA".
Удзельнікамі акцыі сталі навучэнцы ДУА "Грабаўскі дзіцячы сад-базавая школа" і ДУА "Капцэвіцкая сярэдняя школа", якім быў прапанаваны план мерапрыемстваў, які ўключае ў сябе розныя напрамкі: прававую асвету, фізкультурна-аздараўленчую і турысцка-экскурсійную дзейнасць.
Нашы вучні не засталіся ў баку ад мерапрыемстваў. Яны змаглі паўдзельнічаць у прававым квэсце сярод школ "Лепш ведаць, чым здагадвацца" і прэзентаваць школьныя аб'яднанні па інтарэсах: гурток "Танцавальны", "Мастацкая творчасць ". Супрацоўнік Бабуніцкага ПАСПа Глазкоў В.М. правёў адкрыты дыялог "Гэта павінен ведаць кожны" , таксама мерапрыемства наведала фельчар Бабуніцкага ФАП Макарэвіч Н.У.
А для тых, каму па душы спартыўныя мерапрыемствы, была арганізаваная спартландыя "Спартыўныя надзеі малой Радзімы".
