Літаратурнае свята "У сакавіку ёсць такое свята!"
Ёсць дзень такі ў сакавіку,
Ёсць дзень такі ў прыроды весняй:
Ён вельмі рады раўчуку,
Ён вельмі рады песням.
Ён сыпле сонечным святлом –
Настрой знікае змрочны,
Ён зазірае ў кожны дом,
Дзень гэты – дзень святочны.
Пралескі ля сцяжын лясных
Сустрэць гатоў усмешкай,
Лядзяш, бы градуснік вясны,
Пад пахаю застрэшка.
А сонца ў вокны промні шле,
Наўсцяж гусцее просінь.
Праменьчык слізгануў па шкле –
І вывеў лічбу 8.
7 сакавіка для вучняў пачатковых класаў было праведзена літаратурнае свята "У сакавіку ёсць такое свята!" Дзеці слухалі і самі чыталі вершы, адгадвалі загадкі. Але што за свята без конкурсаў! Дзяўчынкі паказвалі сваё майстэрства ў конкурсах "Збяры слова", "Папялушка", "Загадкавы", "Вясёлы мастак", "Фабрыка зорак", "Рукадзельніца", "Запелянай ляльку", "Збяры мазаіку", "Я ведаю пяць ласкавых слоў для мамы". Дзеці атрымалі салодкі пачастунак і зарад бадзерасці і вяселля на выхадныя дні і свята.
