Жаданыя госці
Апошні дзень восеньскіх канікул. У фае школы шматлюдна. Дзеці і настаўнікі ўзрушаны. Мы чакаем гасцей. Прыемна калі ў школу едуць госці, але і адказна. Хочацца каб і школа спадабалася і тая праграма, якую мы склалі для іх. А вось і госці.
Мы сустракаем іх хлебам-соллю і беларускім народным танцам, а пасля запрашаем на экскурсію па школе, якую правёў намеснік дырэктара па вучэбнай рабоце Уладзімір Пятровіч Раўкоўскі.
Госці па- добраму нам пазайздросцілі: утульныя класы, чысціня, новая мэбля, а вучням больш за ўсё спадабаліся спартыўная зала і стадыён.
Наступным пунктам нашага плана было наведванне Музея прыроды аграгарадка Ляскавічы, дзе госці пазнаёміліся з гісторыяй узнікнення музея і яго экспанатамі.
Вочы нашых гасцей іскрыліся ад задавальнення. На іх як бы глядзелі птушкі і жывёлы нашага палескага краю і гаварылі: "Паглядзіце, якія мы прыгожыя! Дзе вы яшчэ ўбачыце такую прыгажосць?"
Пасля вяртання з Ляскавіч у школе для гасцей і з іх удзелам прайшло тэматычнае мерапрыемства "Міс Восень - 2014". Яно поўнасцю з'яднала дзве школы. Удзельнікамі мерапрыемства былі і госці, і гаспадары. Рабяты ўдзельнічалі ў конкурсах, спявалі песні, танцавалі.Свае артыстычныя здольнасці паказвалі і настаўнікі школ.
Напрыканцы нашай сустрэчы з гасцямі было выказана пажаданне дырэктара школы Уладзіміра Мікалаевіча Герасіменка і намесніка дырэктара Рассветаўскай сярэдняй школы Анжэлы Мікалаеўны Такун яшчэ раз сустрэцца, а гэта сведчыць аб тым, што нашым гасцям спадабалася.
Намеснік дырэктара па выхаваўчай рабоце Ніна Раманаўна Ястрэмская
