Сузор’е надзей – 2014 года
Студзень 2014 года стаў знакавым у маім жыцці: я з настаўнікам фізічнай культуры Паўтараном Васілём Андрэевічам сталі ўдзельнікамі мерапрыемства “Сузор’е надзей”, якое другі раз праводзілася ў раённым цэнтры.
“Сузор’е” сабрала дзяцей, якія праявілі сябе ў розных відах дзейнасці, і настаўнікаў, якія змаглі разгледзець і развіць талент сваіх выхаванцаў. Мне было ганарова знаходзіцца сярод самых адораных дзяцей. Усе, хто выступаў, называлі нас маленькімі зорачкамі. А зорка, якая загараецца, павінна ззяць доўга.
З рук начальніка аддзела адукацыі, спорту і турызму Любові Уладзіміраўны Алісейка я атрымаў сертыфікат на атрыманне грашовай прэміі. Гэта адзнака за маю працу на працягу навучальнага года. Я думаю, што аказаны мне давер апраўдаю.
Няхай новыя зоркі загараюцца ў сценах нашай школы.
Павел Герасіменка, вучань 9 класа
