Нялёгкі хлеб “другі хлеб”
Верасень – першыя крокі ў краіну ведаў. Верасень – гэта і час падвядзення рахункаў на агародах і палетках. Кожны разумее важнасць гэтых працэсаў: паспець у адным, не адстаць у другім.
Пачэсна і ганарова, што нам, вучням Бабуніцкай сярэдняй школы, даручана важная справа – падабраць бульбу ў КСУП “Запаветы Ільіча”. Кожны год калектыў школы дапамагае мясцовай гаспадарцы. А гэта добрая магчымасць папоўніць матэрыяльную базу.
Нашаму жаданню папрацаваць спрыялі цёплыя дзянькі. Праменьчыкі сонца падбадзёрвалі нас. Лагодны ветрык прыдаваў сілы. Праца спорылася! Адно вядзерца, другое… - прыцэп машыны напоўнены. Толькі цяпер разумееш: стаміўся… Так, нялёгкі хлеб “другі хлеб.”
Герасіменка Павел, вучань 10 класа
