Год гасціннасці
Гасціннасць - бытавое паняцце, якое азначае радушша, хлебасольства гаспадароў пры прыёме гацей. Асабліва адрозніваюцца гасціннасцю сельскія жыхары.
Аб гэтым мы чытаем і ў вершы Ніны Аксёнчык "Беларуская гасціннасць"
Недарэмна вёска наша цэніцца:
Шчырасцю - гасцінны беларус.
На парозе толькі госць павернецца -
Ільняны разгортваем абрус.
Вось так гасцінна, з хлебам соллю, нас сустрэлі вучні і настаўнікі Рассветаўскай сярэдняй школы Акцябрскага раёна. Дырэктар школы Аксана Генадзьеўна Галчынская і намеснік дырэктара Анжэла Мікалаеўна Такун правялі экскурсію па школе. Утульныя класы, прыгожыя стэнды, якія расказваюць пра жыццё вучняў у класе і школе. Асабліва нас уразілі аформленыя ў школе экалагічны куток, беларуская хатка і пакой, дзе змешчаны вялікі партрэт жыхара вёскі Рассвет, героя Айчыннай вайны Пінчука А.В. Матэрыялы аб ім былі вельмі цікавымі для ўсіх нашых вучняў.
Пасля, паміж вучнямі школ, была праведзена спартландыя, дзе перамагло сяброўства.
А яшчэ гаспадары школы арганізавалі для нас экскурсіі па краязнаўчым музеі, музеі Дробышава і заапарку гарадскога пасёлка Акцябрскі.
Намеснік дырэктара па выхаваўчай рабоце Н.Р. Ястрэмская
